काठमाडौ । उदयपुरको त्रियुगा नगरपालिकामा नेपाली कांग्रेसका उम्मेदवारले अन्तर बढाउदै लगेका छन् ।शुरूवाति पाँच वटा वडाको मतगणनामा कांग्रेस र नेकपा एसका उमेदवार बीच कडा टक्कर देखिएपनि पछिल्लो मतगणनामा अन्तर बढ्दै गएको हो ।
शुक्रबार बिहान ४ः३० वजेसम्मको मतगणना अनुसार नेपाली कांग्रेसका मेयरका उम्मेदवार बसन्त बस्नेत ७ सय ९२ मतले अग्रता लिएका छन । जसअनुसार बस्नेतले ५ हजार ६ सय ७३ मत पाएका छन् । त्यस्तै नेकपा एसका उम्मेदवार एवं निर्वतमान मेयर बलदेव चौधरीले ४ हजार ८ सय ८१ मत र नेकपा एमालेका भागवत राउतले ४ हजार २ सय २ मत पाएका छन् । उप प्रमुखमा कांग्रेसकी सरिता राईले अग्रता लिएकी छिन । उनलाई एमालेकी महेश्वरी राईले पछ्याउँदै छिन तेयसैगरी माओवादी केन्द्रकि गीता खड्का तेस्रो स्थानमा छिन ।
अहिले वडा नं ३, ४, ५ र १३ को मतगणना भइरहेको छ । गणना भइराखेका तीन वडामा कांग्रेसका उम्मेदवार अगाडि छन् भने १३ नं वडामा नेकपा एमालेका उमेदवारले अग्रता लिएका छन् । त्रियुगा नगरपालिकामा ४० हजार १ सय ५९ मत खसेको छ ।
