काठमाडौं । भरतपुर महानगरपालिकाको आज बिहानसम्म १ लाख २५ हजार ८ सय ४२ मतगणना गरिएको छ । जसमध्ये सत्ता गठबन्धनबाट माओवादी केन्द्रकी उम्मेदवार रेनु दाहालको अग्रता फराकिलो रहेको छ । दाहालले १२ हजार १ सय ४० मतको अग्रता लिएकी छिन् ।
हालसम्मको मतगणना अनुसार रेनु दाहाल ५१ हजार १ सय १२ मत ल्याउँदा एमालेका उम्मेदवार विजय सुवेदीले ३८ हजार ९ सय ७२ मत पाएका छन् । यस्तै स्वतन्त्र उम्मेदवार जगन्नाथ पौडेलले १४ हजार ७ सय २७ पाएका छन् ।
उपमेयर पनि गठबन्धनबाट काँग्रेसका उम्मेदवार चित्रसेन अधिकारी ५१ हजार ९ सय ३ मतसहित अग्रस्थानमा रहेका छन् भने उनका निकटतम प्रतिस्पर्धि राप्रपाकी हिमला गुरुङले ३० हजार ३ सय २६ मतले पछ्याई रहेकी छिन् ।
