भक्तपुर । चाँगुनारायण नगरपालिकाका उपप्रमुख रमेश बुढाथोकीलाई मातृशोक परेको छ । उनकी आमा इश्वरी बुढाथोकीको ७४ वर्षको उमेरमा शुक्रबार निधन भएको हो ।
लामो समयदेखि श्वासप्रश्वाससम्बन्धी रोगबाट पीडित उपप्रमुखकी माता इश्वरीलाइ पछिल्लो समय अर्बुद रोगले गाँजेकाे थियाे । उनको शुक्रबार आफ्नै निवासमा निधन भएको पारिवारिक स्रोतले जनाएको छ ।
स्वर्गीय बुढाथोकीको शुक्रबार नै पशुपतिस्थित आर्यघाटमा अन्तिम संस्कार गरिएको परिवारले जनाएको छ ।
उनका दुई छोरा र एक छोरी छन् ।
