बिहीबार । नेपाल स्टक एक्सचेञ्ज परिसुचक (नेप्से) ४३ दशमलव २९ अंकले बढेको छ । आज साताको अन्तिम दिन नेप्से बढ्दा २ हजार ६ सय ९२ दशमलव ४७ अंकमा पुगेको छ ।बुधबार ३० अंकले घटेको शेयर बजार आजभने कमब्याक भएको छ ।
आज कारोबारको रकममा भने गिरावट आएको छ । अघिल्लो दिन साढे ४ अर्बको कारोबार भएकोमा आज घटेको हो। उक्त दिन ३ अर्ब ६७ करोड रुपैयाँ बराबरको ७३ लाख ३६ हजार ३ सय ३४ कित्ता शेयर किनबेच भएको छ । आज कारोबार आएका १३ समुहको परिसुचक मध्य ११ वटा बढेको छ भने २ वटा राताम्मे भएको छ ।
आज बजारमा नेपाल फाइनान्सको शेयर मुल्य १० प्रतिशतले बढेर ५ सय ७५ दशमलब ३० रुपैयाँ पुगेको छ भने नेपाल बंगलादेशको शेयर ३ दशमलव ५३ प्रतिशतले घटेर १ हजार ४० रुपैयाँमा सिमित भएको छ ।
