आइतबार। नेपाल स्टक एक्सचेञ्ज परिसुचक (नेप्से) ६०.४१ अंकले बढेको छ । आज साताको पहिलो दिन नेप्से बढ्दा २ हजार ५ सय ८४ दशमलव ९१ अंकमा पुगेको हाे ।
नेपाल स्टक एक्सचेञ्ज आइतबार २ सय ४० कम्पनीको ४ अर्ब १२ करोड रुपैयाँ बराबरको ७१ लाख ६० हजार ९ सय ८३ कित्ता शेयर कारोवार भएको छ भने २ सय २६ कित्ता शेयर किनबेच भएका छन् ।
आज कारोबार आएका १३ समूहको परिसुचक मध्ये १२ वटामा बढेको छ भने १ वटा राताम्मे भएको छ ।
आज बजारमा हिमालयन डिष्ट्रिलरीकाे शेयर मुल्य ९ दशमलव ९९ प्रतिशतले बढेर ४ हजार ३सय ७६ रुपैयाँ पुगेको छ भने गोर्खा फाइनान्सको शेयर मुल्य ५ दशमलव १४ प्रतिशतले घटेर ७ सय ७९ दशमलव९० रुपैयाँमा सिमित भएको छ ।
