काठमाडौं । तीन कम्पनीको शेयर मूल्य समायोजन आज हुँदैछ । ज्योती विकास बैंक,एनएबी लघुवित्त र सुर्य लाईफ इन्स्योरेन्सको शेयरमूल्य आज समायोजन हुने भएको हो ।
ज्योती विकास बैंकको ११ प्रतिशत बोनस शेयर पछि ४ सय ३ रुपैयाँ १५ पैसामा मूल्य समायोजन हुँदैछ । सो बैंकको बिहीबारको अन्तिम कारोबार ४ सय४७ रुपैयाँ ५० पैसामा भएको थियो । सो आधारमा मूल्य समायोजन हुन लागेको हो ।
त्यस्तै, एनएबी लघुवित्तको २१.५० प्रतिशत बोनस शेयर पश्चात् १ हजार ५३ रुपैयाँ ५० पैसामा मूल्य समायोजन हुँदैछ । उक्त लघुवित्तकको बिहिबारको अन्तिम कारोबार मूल्य प्रतिकित्ता १ हजार २ सय ८० रुपैयाँ थियो ।
त्यस्तै, सुर्य लाईफ इन्स्योरेन्सको १२.७० प्रतिशत बोनस शेयरपछि ६ सय ३८ रुपैयाँ ६८ पैसा कायम हुने गरी शेयरमूल्य समायोजन हुँदैछ । बिहीबार सो कम्पनीकोको अन्तिम कारोबार भने ७ सय २० रुपैयाँमा भएको थियो ।
आज मूल्य समायोजन भएका कम्पनीहरुको समायोजित मूल्यका आधारमा आइतबार कारोबार हुनेछ । नेपाल स्टक एक्सचेञ्जको नियम अनुसार समायोजित मूल्यमा २ प्रतिशतसम्म घटबढ भएर पहिलो कारोबार हुन सक्नेछ ।
