काठमाडौं । काठमाडौंमा जारी त्रिकोणात्मक सिरिज अन्तर्गत आज यूएई र हङकङ खेल्दैछन् । मुलपानी क्रिकेट रंगशालामा दिउँसो १ बजेदेखि सुरु हुने खेलमा दुई टोलीले सिरिज अन्तर्गत दोस्रोपटक प्रतिस्पर्धा गर्न लागेका हुन् ।
दुई टीमसँग २ २ खेल खेल्नुपर्नेमा नेपालले ४ वटै खेल जितेर शीर्ष स्थानसहित फाइनलमा स्थान बनाइसकेको छ । यूएईले हङकङविरुद्ध पहिलो खेल जित्दै २ अंक बनाएको छ ।
अब हङकङलाई फाइनलमा पुग्न अघिल्लो खेलमा हारेको भन्दा धेरै अन्तरले यूएईलाई हराउनु पर्नेछ । यूएई भने सामान्य जित वा कम मतान्तरको बराबरीमा पनि फाइनलको बाटो तय गर्नेछ ।
यसअघि दुई टीमबीच भएका ४ खेलमा यूएईले ३ र हङकङले एकपटक जित हासिल गरेका छन् ।
