काठमाडौं । राष्ट्रिय वाणिज्य बैंकको नाफा बढेको छ । आर्थिक वर्ष २०७९र८० को चौथो त्रैमाससम्मको विवरण अनुसार बैंकले असार मसान्तसम्ममा ४ अर्ब ९१ करोड रुपैयाँ नाफा कमाएको छ । यो गतवर्षको तुलनामा १४.५६ प्रतिशत प्रतिशत बढी हो । गत वर्ष बैंकको यस्तो नाफा ४ अर्ब २९ करोड रुपैयाँ रहेको थियो ।
सो अवधिमा बैंकको वितरणयोग्य मुनाफा १ अर्ब ८१ करोड रुपैयाँ रहेको छ । सो समयमा बैंकको खुद ब्याज आम्दानी १२ अर्ब ३५ करोड रुपैयाँ रहेको छ । त्यस्तै, बैंकको कुल सञ्चालन आम्दानी १३ अर्ब ८५ करोड रहेको छ भने कुल सञ्चालन नाफा ६ अर्ब ९० करोड रहेको छ ।
त्यस्तै, सो समयमा बैंकको जगेडा कोषमा ३६ अर्ब ५८ करोड रहेको छ । बैंकको निक्षेप ३ खर्ब २१ अर्ब र कर्जा लगानी २ अर्ब ३० अर्ब रुपैयाँ रहेको छ । बैंकको निष्कृय कर्जा २.९५ प्रतिशत रहेको छ ।
