काठमाडौं । भारतीय आयल कर्पोरेसन (आइओसी) ले नेपाल आयल निगमलाई पेट्रोलियम पदार्थको नयाँ मूल्यसूची पठाएको छ ।आइओसीले निगमलाई पठाएको नयाँ मूल्यसूची अनुसार डिजेल र पेट्रोलको भाउ घटेर आएको छ । सोमबार प्राप्त भएकाे मूल्यसूची अनुसार डिजल प्रतिलिटर १२ रुपैयाँ ४५ पैसा र पेट्रोल प्रतिलिटर १६ रुपैयाँ ८० पैसा घटेर आएको हो ।
हाल निगमले प्रतिलिटर पेट्रोलको १ सय ८१ रुपैयाँ, डिजेल र मटितेल १ सय ७२ रुपैयाँमा बेच्दै आएको छ । नयाँ मूल्य सूची अनुसार पेट्रोलमा प्रतिलिटर २ रुपैयाँ नाफा र डिजेलमा करिब १० रुपैयाँ घाटा हुने भएको छ ।
यस पहिला पनि आइओसीले पेट्रोलियम पद्धार्थको मूल्य घटाएर पठाएको थियाे भने यहाँ भने पेट्रोलियम पद्धार्थकाे मुल्य घटेकाे थिएन ।
