काठमाडौं । नेपाल धितोपत्र बोर्डका अध्यक्ष रमेश हमालले लाइसेन्सका नाममा हुनसक्ने बेथितिलाई रोक्न ब्रोकरको चुक्ता पुँजी २० करोड कायम गरिएको बताएका छन् । नेपाल स्टक एक्सचेञ्जसँग सीमित ब्रोकर कम्पनी मात्रै धान्नसक्ने क्षमता भएको अवस्थामा थोरै पुँजी राख्दा लाइसेन्सको माग धान्न नसक्ने भएकोले पुँजी २० करोड राखिएको उनको भनाइ छ ।
‘अहिले नेप्सेको सिस्टमले १७०/७५ भन्दा धेरै ब्रोकर धान्न सक्दैन । यस्तो अवस्थामा लाइसेन्स खुलाउँदा धेरै आवेदन आउन सक्छ । यस्तो अवस्थामा हामीले कसैलाई लाइसेन्स दिने र कसैलाई नदिने गर्नुपर्ने अवस्था आउँछ । यस्तो अवस्था आउन नदिन यो प्रावधान राखिएको हो । भोलि नेप्सेको क्षमता बढ्यो भने यसमा पुनरावलोकन गर्न सकिन्छ' उनले भने ।
