काठमाडौं । काठमाडौँ महानगरपालिकाले कुहिने र नहुहिने फोहोर संकलनका लागि छुट्टाछुट्टै दिन तोकेको छ । महानगरको वातावरण तथा कृषि विभाग सूचना जारी गर्दै यस्तो दिन तोकेको हो ।
जसअनुसार अब प्रत्येक आइतबार र बुधबार कुहिने फोहोर संकलन हुनेछ । सोमबार र बिहीबार भने नकुहिने फोहोर संकलन हुनेछ । महानगरले सकेसम्म फोहोरलाई आफैं पुनः प्रयोग गर्न आग्रह गरेको छ ।
भोलिदेखि नछुट्टिएको फोहोर महानगरले उठाउने छैन । बरु नछुट्टिएको फोहोर लिएर आउनेलाई ५०० रुपैयाँ जरिवाना गर्ने महानगरले जनाएको छ ।
