काठमाडौं । नेपाल बैंकले २ अर्ब ५० करोड रुपैयाँ बराबरको ऋणपत्र जारी गर्न धितोपत्र बोर्डसँग अनुमति मागेको छ । बैंकले प्रतिकित्ता १ हजार रुपैयाँको दरले कुल २५ लाख इकाई ऋणपत्र बिक्री गर्न बोर्डसँग अनुमति मागेको हो ।
नेपाल बैंकले “१०.५ प्रतिशत नेपाल बैंक ऋणपत्र २०८४” जारी गर्न लागेको हो । यस ऋणपत्रमा वार्षिक १०.५० प्रतिशत ब्याजदर प्रदान हुनेछ । यस बैकले ऋणपत्र निष्काशन तथा विक्री प्रबन्धकका लागि नबिल इन्भेष्टमेन्ट बैंकिङलाई नियुक्त गरेको छ।
