काठमाडौं । शेयर बजारमा आज पनि गिरावट आएको छ । नेपाल स्टक एक्सचेञ्ज (नेप्से) ४५.२५ अंकले घट्दा १ हजार ८ सय ४८ दशमलव २८ विन्दुमा झरेको छ । विहीबार २ सय ३७ कम्पनीको १ अर्ब ४९ करोड रुपैयाँ बराबरको ५ लाख ८ हजार कित्ता शेयर किनबेच भएको छ ।
आज १५ कम्पनीको शेयर मुल्य बढेको छ भने १ सय ७८ कम्पनीको शेयर मुल्य घटेको छ । विहाबार कारोवारमा आएका सबै उपसुचकमा गिरावट आएको छ ।
आज सवैभन्दा बढी कारोवार कुमारी बैंकको भएको छ । यस बैंकको ९ करोड ५३ लाख रुपैयाँ बराबरको शेयर कारोवार भएको छ । त्यस्तै, लक्ष्मी बैंकको ६ करोड ३६ लाख रुपैयाँ बराबरको शेयर कारोवार भएको छ भने नविल बैंकको ५ करोड ५३ लाख रुपैयाँ बराबरको शेयर कारोवार भएको छ ।
विहीबार २ कम्पनीको शेयर मुल्यमा सर्किट लागेको छ । सर्किट लाग्नेमा आँधिखोला लघुवित्त र सीवाईसी लघुवित्त रहेको छ । आँधिखोला लघुवित्त १० प्रतिशतले बढेको छ भने सीवाईसी लघुवित्तको ९.९९ प्रतिशतले बढेको छ ।
