काठमाडौं । नेपाल स्टक एक्सचेञ्ज (नेप्से) आधा घण्टामा ३० अंकले घटेको छ । आज प्रि ओपन सेसनमा करिव ३ अंकले बढेको नेप्से बजार खुलेको आधा घण्टा नवित्दै ३०.५३ अंकले घटेर १ हजार ९ सय ९६ दशमलव ७३ अंकमा पुगेको छ । यस अवधिमा १ सय ७२ कम्पनीको २८ करोड १७ लाख रुपैयाँ बराबरको कारोवार भएको छ ।
यो समाचार तयार पर्दा सम्म १२ कम्पनीको शेयर मुल्य बढेको छ भने १ सय ४२ कम्पनीको शेयर मुल्य घटेको छ । यस अवधिसम्म एनटीसी कम्पनीको सबैभन्दा धेरै कारोबार भएको छ। यसका अनुसार कम्पनीको १ करोड १२ लाख रुपैयाँभन्दा बढीको कारोबार भएको छ ।
