काठमाडौं । नुवाकोटको ककनी गाउँपालिका–७ स्थित त्रिशुली थ्रि ए को प्रशारण लाइनमा चढेका व्यक्तिको ६ घण्टापछि उद्धार गरिएको छ। आज बिहान करिव ११ बजे प्रशारण लाइनमा चढेर हिँडेका बेलकोटगढी नगरपालिका–१३ घलेगाउँका ४४ वर्षीय माइला बिकको साँझ सेनाको उद्दार टोलीले हेलिकप्टरबाट उनको उद्धार गरेको हो ।
मानसिक रूपमा अस्वस्थ रहेका बिक शनिबार बिहानै परिवारसँग झगडा गरेर प्रशारण लाइनमा चढेका थिए ।उनलाई तारबाट झार्न स्थानीय वासिन्दा र नेपाल प्रहरीले प्रयास गरेपनि सकेनन् ।
त्यसपछि ऊर्जा, जलस्रोत तथा सिँचाइमन्त्री पम्फा भुसालले उद्धार गर्न निर्देशन दिएकी थिइन । त्यसपछि सेनाको उद्दार टोलीले सकुशल उद्दार गरेर प्रहरीको जिम्मा लगाइएको छ ।
