काठमाडौं । सुपारी, केराउ, मरिच र छोकडामा राष्ट्र बैंकले नगद मार्जिनको ब्यवस्था गरेको छ। बिहीबार बैंक तथा वित्तीय संस्थाहरुलाई एकीकृत परिपत्र जारी गर्दै बैंकले यस्ता वस्तुको आयातमा नगद मार्जिनको व्यवस्था गरेको हो ।
अब औद्योगिक प्रयोगमा उपयोग हुने सुपारी, केराउ, मरिच र छोकडामा विदेशी मुद्रा सटहीको सुविधा दिन पनि बैंक तथा वित्तीय संस्थाहरुलाई निर्देशन दिएको छ । यस अघि व्यापारिक प्रयोजनमा यी वस्तुको आयात गर्दा मात्रै नगद मार्जिनको व्यवस्था थियो ।
