काठमाडौं । करिव एक सातादेखि उठ्न नसकेको काठमाडौं उपत्यकाको फोहोर भोलिबाट उठ्ने भएको छ । सिसडोल र बन्चरेडाँडामा फोहोर लैजान दिने सहमति भएसँगै भोलिदेखि काठमाडौं उपत्यकाको फोहोर उठाइने भएको हो । सोमबार भएको जनप्रतिनिधिहरुको छलफलले भोलि (मंगलबार)बाट काठमाडौं महानगर भित्र थुप्रिएको फोहोर उठाउने भएको छ ।
स्थानीयले राखेका विभिन्न माग पुरा गर्ने महानगरले प्रतिबद्धता जनाए पछि मंगलबार ८ बजेबाट काठमाडौंको फोहोर उठाउने सहमति भएको जनाइएको छ । बैठकमा काठमाडौंका मेयर बालेन्द्र साह र उपमेयर सुनिता डंगोल तथा ककनी, धुलिबेसी, गोकर्णेश्वर जनप्रतिनिधिको सहभागिता रहेको थियो ।
जेठ १४ गतेबाट काठमाडौं महानगरपालिका, ललितपुर महानगरपालिका लगायते ठाउँको फोहोर उठाउन सकेका छैनन् । सो फोहोर भोली बिहान ८ बजेबाट उठने भएको छ ।
