काठमाडौ । रूपन्देहीमा भएको बस दुर्घटनामा ९ जनाको ज्यान गएको छ । ३२ यात्रु घाईते भएका छन ।
जनकपुरबाट भैरहवातर्फ जाँदै गरेको यात्रु बस भैरहवा(परासी हुलाकी राजमार्ग खण्डमा दुर्घटनामा परेको हो । प्रहरीका अनुसार लु २ ख ३८४१ नम्बरको रात्रिबस आइतबार बिहान पौने ५ बजे भैरहवा नजिकैको रोहिणी खोला पुलबाट खोलामा खसेको हो ।
घाईतेहरूलाई सुरक्षाकर्मी र स्थानीयले उद्धार गरी अस्पतालमा पुर्याइएका थिए । घाइतेहरुको भैरहवास्थित भीम अस्पताल र युनिभर्सल शिक्षण अस्पतालमा उपचार भईरहेको छ ।
भीम अस्पतालमा ४ जना र युनिर्भसल शिक्षण अस्पतालमा ५ जना गरी ९ जनाको मृत्यु भएको प्रहरीले पुष्टि गरेको छ । चालक निदाएका कारण दुर्घटना भएको अनुमान प्रहरीले गरेको छ ।
