काठमाडौं । अप्पर सोलु हाइड्रो इलेक्ट्रिक कम्पनीको आईपीओ आज अन्तिम दिन रहेको छ । कम्पनीले आयोजना प्रभावित क्षेत्रका वासिन्दाहरुका लागि आईपीओ निष्काशन गर्न गरेको थियो।
कम्पनीले आयोजना प्रभावित क्षेत्रका लागि कुल १३ करोड ५० लाख रुपैयाँ बराबरको १३ लाख ५० हजार कित्ता शेयर निष्काशन गर्ने भएको छ । उक्त शेयरमा आयोजना प्रभावित क्षेत्र सोलुखुम्बु जिल्लाको हाल सोलु दुधकुण्ड नगरपालिकाका सम्पूर्ण वडाका बासिन्दाहरुले मात्र आवेदन दिन सक्नेकम्पनीले जनाएको छ ।
उक्त आईपीओका लागि लगानीकर्ताहरुले न्युनतम १० कित्तादेखि अधिकतम १ लाख कित्तासम्म आवेदन दिन सक्नेछन् । कम्पनीको शेयर निष्काशन तथा बिक्री प्रबन्धकमा एनएमबि क्यापिटल लिमिटेडलाई नियुक्त गरेको छ।
