काठमाडौं । सिभिल बैंकको ३ लाख ७० हजार कित्ता शेयर संस्थापक शेयर विक्री गर्ने भएको छ । सो बैंकमा रहेका ५ जना संस्थापकले आफ्नो नाममा रहेको कुल ३ लाख ७० हजार ७ सय ६ कित्ता संस्थापक शेयर विक्री गर्ने लागेका हुन् ।
सो शेयर खरिद गर्ने इच्छुक संस्थापक शेयरधनीहरुले सुचना प्रकासित भएको मितिले ३५ दिन भित्र आवेदन दिइसक्नुपर्ने छ । उक्त समयमा संस्थापक शेयरधनीबाट पर्याप्त आवेदन नपरेमा बाँकीको शेयर अन्य खरिदकर्तालाई विक्री हुने बैंकले जनाएको छ ।
चिरन्जिवी लाल अग्रवालको नाममा रहेको ३ हजार ७ सय ३६ कित्ता, सावित्री देवी अग्रवालको नाममा रहेको ३१ हजार ३ सय ८४, धन राज आचार्यको नाममा रहेको ८ हजार ७ सय ८८ कित्ता, हरिहर प्रसाद लामिछानेको नाममा रहेको ४८ हजार ९ सय ९९ कित्ता र आभा इन्टरनेशनलको नाममा रहेको २ लाख ७७ हजार ७ सय ७४ कित्ता संस्थापक शेयर विक्रीमा रहेको बैंकले जनाएको छ ।
