काठमाडौं । भरतपुर महानगरपालिकाको मेयरमा फेरि नेकपा माओवादी केन्द्रकी रेनु दाहालले अग्रता लिएकी छन् । नेकपा एमालेका उम्मेदवार विजय सुवेदीलाई पछि पार्दै १० मतले रेनुले अग्रता लिएकी हुन् ।
अहिलेसम्म भएको मतगणना अनुसार रेनुले ५ हजार ६६ मत पाएकी छन् भने विजय सुवेदीले ५ हजार ५६ मत पाएका छन् । त्यस्तै स्वतन्त्र उम्मेदवार जगन्नाथ पौडेलले २ हजार ३ सय ७९ मत ल्याएका छन् ।
उपप्रमुखमा नेपाली कांग्रेसका चित्रसेन अधिकारीले ६ हजार ८३ मत र राप्रपाका उम्मेदवार हिमला गुरुङले ४ हजार ६९ मत पाएकी छन् ।
