काठमाडौं । स्वास्थ्य तथा जनसंख्या मन्त्रालयले यही बैशाख ३० गते हुने स्थानीय तह निर्वाचनमा सहभागी हुने बुस्टर डोज नलाएका मतदाताहरूलाई अनिवार्य खोप कार्ड लिएर जान आग्रह गरेको छ ।
मन्त्रालयका प्रवक्ता डा.संगिता कौशल मिश्राले बुस्टर डोज नलगाएकाहरुले चुनावमा सहभागी हुँदा अनिवार्य रुपमा खोप कार्ड लिएर जान आग्रह गरेकी हुन् ।
बुस्टर डोज नलाएकाहरुले मतदानस्थल नजिकै रहने खोप केन्द्रमा गएर खोप लगाउन समेत आग्रह गरेका छन् । खोप कार्ड सम्भव नभएको खण्डमा परिचय पत्र वा अभिभावकले नाम र उमेर घोषणा गरेको परिचयपत्रका आधारमा खोप दिइने व्यवस्था मिलाइएको छ ।
