काठमाडौं । कारोबार अवधिकर तीब्र उतारचढावबीच मंगलबार शेयर बजार परिसूचक नेप्से घटेको छ । आज नेप्से परिसूचक १५.१८ अंकले घटेर २ हजार ५ सय ३० दशमलव ९० विन्दुमा पुगेको हो । बजारमा आज ३ अर्ब १२ करोड रुपैयाँ बराबरको शेयर कारोबार भएको छ ।
बजारमा आज म्युचुअल फण्ड बाहेक अरु सबै समूहका परिसुचकहरुमा गिरावट आएका छन् । फाइनान्स, विकास बैंक, हाइड्रोपावर र अन्य समूहमा १ प्रतिशत भन्दा बढीको गिरावट देखिएको छ ।
आज सिटिजन्स म्युचुअल फण्डको मुल्य सर्वाधिक ४.६५ प्रतिशतले बढेको छ । आईसीएफसी फाइनान्सको मूल्य सबैभन्दा बढी ७.६५ प्रतिशतले घटेको छ ।
