काठमाडौं । ऋणपत्र निष्काशनका लागि नेपाल इन्भेष्टमेन्ट मेगा बैंकले नेपाल धितोपत्र बोर्डबाट अनुमति पाएको छ । बैंकलाई ४ अर्ब ४ करोड रुपैयाँ बराबरको ऋणपत्र निष्कासनको अनुमति दिएको हो।
अब बैंकले प्रतिइकाइ १ हजार अंकित दरका कुल ४० लाख ४० हजार इकाइ ऋणपत्र निष्कान गर्नेछ । बैंकले कुल इकाइमध्ये २४ लाख २४ हजार इकाइ व्यक्तिगत तबरबाट बिक्री गर्नेछ भने बाँकी १६ लाख १६ हजार इकाइ सर्वसाधारणका लागि जारी गर्नेछ।
यो १० वर्षे अवधिको ऋणपत्र हो । यसमा लगानीकर्ताले वार्षिक १० प्रतिशत ब्याज पाउनेछन्। ऋणपत्रको निष्काशन तथा विक्री प्रबन्धकमा प्रभु क्यापिटल रहेको छ।
