काठमाडौं । मुक्तिनाथ कृषि कम्पनीको आईपीओ मंगलबार बाँडफाँड हुने भएको छ। बिक्री प्रबन्धक एनआईबिएम एस क्यापिटलले मंसिर १९ गते मंगलबार आईपीओ बाँडफाँड गर्ने तयारी गरेको हो। समय भने तय नभएको कम्पनीले जनाएको छ ।
यता, मुक्तिनाथ कृषिको आइपीओ हात पार्न पनि भाग्यकै भरपर्नु पर्नेछ । किनभने यसमा मागभन्दा १२.४८ गुणा बढी आवेदन परेको छ । यसर्थ, गोलाप्रथाबाट आइपीओ बाँडफाँट हुनेछ ।
यसमा १३ लाख २२ हजार ९ सय ५४ जनाले कुल १ करोड ४३ लाख २८ हजार १ सय ८० कित्ताका लागि आवेदन दिएका छन् । जसमा १ लाख १४ हजार ८ सय जनाले मात्र सेयर हात पार्नेछन् ।
बाँकी १२ लाख ८ हजार १ सय ५४ जनाको भने हात खाली हुनेछ । कम्पनीले मंसिर ८ गतेदेखि १२ गतेसम्म ४२ हजार कित्ता सेयर कर्मचारीहरु र ७० हजार कित्ता सेयर सामूहिक लगानी कोषलाई छुट्याएर बाँकी रहेको ११ लाख ४८ हजार कित्ता सेयर सर्वसाधारणका लागि खुला गरेको थियो ।
