काठमाडौं । वाणिज्य आपूर्ति तथा उपभोक्ता संरक्षणले सोमबार २२ फर्ममाथि अनुगमन गरेको छ । सोमबार बजार अनुगमनको क्रममा विभागले खाद्य बस्तु, तरकारी पसल, कपडा पसल, अन्य पसल र किराना पसललाई कारबाही गरेको हो ।
जसमा उनीहरुले खरिद बिजविजक नराख्नेलाई विभागले कारबाही गरेको हो । जसमा ९ वटा पसलेलाई नगद जरिवाना गरिएको छ । विभागले ४ पसललाई २०÷२० हजार रुपैयाँ जरिवाना गरेको छ । १ पसललाई १५ हजार रुपैयाँ जरिवाना गरेको छ भने बाँकी रहेका ४ पसललाई ५ हार रुपैयाँका दरले जरिवाना तिराएको छ ।
नियमित अनुगमनका क्रममा विभागले कतिपय किराना पसलबाट नमुना परीक्षणका लागि खाद्यवस्तु संकलन गरेको छ भने कतिपयलाई कागजातसहित विभागमा उपस्थित हुन भनेको छ । कतिपयलाई सामान्य निर्देशन दिएको छ ।
