काठमाडौं । बुद्ध एयरले आजदेखि पोखरादेखि नेपालगञ्जसम्मको उडान सुरु गर्ने भएको छ । बुद्धले पहिलोपटक क्रस सिटी’ उडानको तयारी थालेको हो । नेपालगञ्ज हुँदै आउने भारतीय पर्यटक तथा नेपाली पर्यटक समेतलाई ध्यानमा राखेर सो सेवा विस्तार गरिएको एयरलाइन्सले जनाएको छ ।
यसअघि बुद्धले गत बैशाख १८ गतेदेखि नै पोखरा–नेपालगञ्ज उडान गर्ने योजना बनाएको भएपनि कोरोना भाइरस संक्रमण बढेपछि रोकिएको थियो । त्यस्तै, बुद्धले पोखराबाट विराटनगर र सिमरासम्म पनि बैशाखदेखि नै उडान थाल्ने योजना बनाएको थियो ।
