काठमाडौं । सर्वोच्च अदालतले वायुसेवा निगमको निजीकरण प्रक्रिया रोक्न अन्तरिम आदेश दिएको छ । सर्वोच्च अदालतका न्यायाधीश कुमार रेग्मीको एकल इजलासले दुवै पक्षबीच छलफल गरेर निष्कर्षमा पुग्नुपर्ने भन्दै वायुसेवा निगमको निजीकरण गर्नेसम्बन्धी कामलाई तत्काल स्थगित गरी तत्कालका लागि यथास्थितिमा राख्न आदेश दिएको छ ।
बायुसेवा निगमलाई कम्पनी मोडलमा लैजाने भनेपछि यतिबेला निगमका कर्मचारीहरु आन्दोलनमा छन् । यही क्रममा नेपालको लागि नेपाली पार्टीले सर्वोच्च अदालतमा निजीकरण विरुद्ध रिट दायर गरेको थियो ।
