काठमाडौं । नेपालमा थप एक हजार ८७५ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
आज ६ हजार ८५८ नमुनाको पीसीआर परीक्षण गर्दा एक हजार ३१० र तीन हजार २०८ नमुनाको एन्टिजेन विधिबाट परीक्षण गर्दा ५६५ जनामा संक्रमण देखिएको हो ।
पछिल्लो २४ घण्टामा कोरोनाका कारण २१ जनाको मृत्यु भएको छ ।
योसँगै नेपालमा कोरोनाका कारण मृत्यु हुनेको संख्या नौ हजार ५२७ पुगेको छ ।
हाल देशभर सक्रिय संक्रमितको संख्या २५ हजार ९५२ रहेको छ ।
