काठमाडौं । काठमाडौं उपत्यकामा मेलम्ची खानेपानी आयोजनाको पानी असार १ गतेदेखि नआउने भएको छ ।
सुरुङ परीक्षणका लागि मेलम्ची खानेपानी बन्द गरिने भएको हो ।
मेलम्ची खानेपानी आयोजनाले तीन महिना परीक्षण अवधिका लागि पठाइएको पानीको परीक्षण अवधि समाप्त भएको छ ।
इन्जिनियरको टोलीले सुरुङमा केही गल्ती, कमजोरीबारे सुरुङ हेर्नेछन् ।
पानी खाली गराउन कम्तीमा पनि १५ दिन लाग्नेछ र सुरुङको निरीक्षण गर्न थप १० दिन लाग्ने बताइएको छ ।
सुरुङमा केही गल्ती, कमजोरी नदेखिए ११ दिनबाट पानी पठाइने आयोजनाले जनाएको छ ।
परीक्षणका लागि गएको फागुन १० गतेदेखि काठमाडौंका धारामा पानी पठाइएको थियो ।
बर्खाको समयमा पानीका स्रोतहरु बढ्ने भएकाले मेलम्चीको पानी नआए पनि पानी आपूर्तिमा समस्या नआउने आयोजनाले जनाएको छ ।
