काठमाडौं । नेपाल स्टक एक्सचेञ्ज ( नेप्से) १५.८२ अंकले घटेर २ हजार २ सय ३५ दशमलव ०९ विन्दुमा कायम भएको छ । साताको अन्तिम दिन शुक्रबार २ सय २३ कम्पनीको शेयर कारोवार हुदाँ ९३ करोड २२ लाख बराबरको २५ लाख २४ हजार कित्ता शेयर किनबेच भएको छ ।
शुक्रबार ३८ कम्पनीको शेयर मुल्य बढेको छ भने १ सय ४२ कम्पनीको शेयर मुल्य घटेको छ । आज म्युचुअल फण्ड बाहेक सबै सूचक घटेका छन् ।यस दिन अन्य र व्यापार उपसमूहको परिसूचक २ प्रतिशतभन्दा बढी घटेको छ भने जीवन बीमा र निर्जीवन बीमा उपसमूहको परिसूचक १ प्रतिशतभन्दा बढी घटेको छ।
आज सबैभन्दा धेरै अरुण कावेली पावरको कारोबार भएको छ । कम्पनीको ३ करोड २ लाख रुपैयाँको शेयर कारोबार भएको छ । हिमालयन डिष्टिलरीको २ करोड ८४ लाख रुपैयाँको शेयर कारोबार भएको छ भने सिन्धु विकास बैंकको २ करोड ७६ लाख रुपैयाँ संस्थापक शेयर कारोबार भएको छ । नेपाल पुनर्बीमाको २ करोड ६९ लाख रुपैयाँको शेयर कारोबार भएको छ । अपि पावर कम्पनीको २ करोड ६७ लाख रुपैयाँको शेयर कारोबार भएको छ ।
आज सबैभन्दा धेरै सामुदायिक लघुवित्त वित्तीय संस्थाको लगानीकर्ताले कमाएका छन् । यस कम्पनीको २.७३ प्रतिशतले बढेको छ । आज सबैभन्दा धेरै तेह्रथुम पावर कम्पनीका लगानीकर्ताले गुमाएका छन् । कम्पनीका लगानीकर्ताले ४.९४ प्रतिशतका दरले गुमाएका हुन् ।
