काठमाडौं । निर्वाचन आयोगले वैशाख ३० गते हुन गइरहेको स्थानिय तहको निर्वाचनका लागि आज र भोली देशभरी उम्मेदवारी दर्ता सुरु गरेको छ । आयोगले उम्मेदवारी दर्ताका लागि विहान १० बजेदेखि साँझ ५ बजेसम्मको समय छुट्याएको छ ।
देशभरी रहेको ७ सय ५३ स्थानीय तहमध्ये ६ वटा महानगर, ११ वटा उपमहानगर २ सय ७६ नगरपालीका, ४ सय ६० वटा गाँउपालीकाको प्रमुख, उपप्रमुख, वडाअध्यक्ष र सदस्य गरेर कुल ३५ हजार २ सय २१ पदका लागि उम्मेदवारी दर्ता हुन लागेको छ ।
आयोगले आज र भोलीसम्म दर्ता भएका उम्मेदवारीहरुमा कसैलाई असन्तुष्ट भएमा दाबी विरोध उजुरी जनाउनका लागि वैशाख १३ गतेको समय दिईएको छ । यदी सो समयमा दाबी विरोध उजुरी आएमा वैशाख १४ र १५ गते उक्त उजुरीप्रति जाँचबुझ गरेर १७ गते उम्मेलवारलाई निर्वाचनको चिन्ह प्रदान गर्ने भएको छ ।
स्थानीय तहको निर्वाचनमा १ करोढ ७९ लाख मतदाता रहने आयोगले जनाएको छ । आयोगका अनुसार यो पटक स्थानिय तहको निर्वाचन दैशभरी एकै चरणमा गरिने भएको छ ।
