काठमाडौं । नेपाल इन्फ्रास्ट्रक्चर बैंकले ५४ करोड नाफा कमाएको छ । चालु आर्थिक वर्षको चैतसम्म बैंकले उक्त नाफा कमाएको हो । अघिल्लो वर्षको सोही अवधिमा यस्तो नाफा ४६ करोड रहेको थियो । बैंकले कमाएको यो नाफा प्रतिशेयर ४.२९ रुपैयाँ हो ।
बैंकले आफ्नो ऋण लगानीको आकार बढाएर झन्डै १२ अर्ब रुपैयाँ पुर्याएको छ । अघिल्लो वर्ष यो २ अर्ब रुपैयाँ मात्रै थियो । निक्षेपतर्फ भने बैंकले अहिलेसम्म ४० करोड रुपैयाँ मात्रै संकलन गरेको छ । अघिल्लो वर्ष यस्तो रकम ३० करोड थियो ।
