काठमाडौं । हिमालयन हाइड्रो पावर कम्पनीले आईपीओ निष्काशनको अनुमती पाएको छ । आइतबार नेपाल धितोपत्र बोर्डले हिमालयन हाईड्रो पावरलाई आईपीओ निष्कासन गर्न अनुमति दिएको हो ।
सो कम्पनीले २२ करोड ५० लाख रुपैयाँ बराबरको २२ लाख ५० हजार कित्ता शेयर निष्काशन गर्न अनुमति पाएको छ । कम्पनीले आयोजना प्रभावित स्थानिय बासिन्दा र सर्वसाधारणको लागि आईपीओ निष्काशन गर्ने भएको हो ।
सो कम्पनीले शेयर निष्काशन तथा बिक्री प्रबन्धकमा ग्लोबल खाईएमई क्यापिटललाई नियुक्त गरेको छ ।
