काठमाडौं । अर्थमन्त्री जनार्दन शर्माले पृथ्वीबहादुर शाहसँग आफ्नो नाता रहेको विषय अस्वीकार गरेका छन् । उनले पृथ्वीबहादुर शाहलाई आफूले चिन्दा पनि नचिन्ने भन्दै नातागोता हुने कुरै नभएको बताए ।
अर्थमन्त्री भएपछि आफूले सबैको कुरा सुन्नुपर्ने भन्दै पृथ्वीबहादुर शाह आएर रोइकराइ गरेपछि के हो हेर्नुस् है भनेर सम्बन्धित निकायलाई भनेको उनले प्रष्टिकरण दिए ।
उनले अर्थतन्त्रसँग सम्बन्धित विषय आफूकहाँ आएपछि आफूले सम्बन्धित निकायमा पठाउनु आफ्नो धर्म भएको भन्दै शाहको सम्बन्धमा समेत त्यही भएको बताए ।
पृत्वीबहादुर शाहको रकम नेपाल राष्ट्र बैंकले अवैध भन्दै रोकिदिएपछि अर्थमन्त्री जनार्दन शर्माले छुटाउन दबाब दिएको र त्यो नमान्दा उनीमाथि कारबाही गरिएको चर्चा छ ।
