काठमाडौं । रिभर फल्सको आईपीओ आजदेखि खुल्दैछ । कम्पनीले साधारण शेयर आयोजना प्रभावित जिल्ला संखुवासभाको लागि छुट्याएको ७ लाख कित्ता शेयरका लागि आइतबारदेखि आवेदन खुला गर्ने भएको हो ।
यसका लागि छिटोमा वैशाख ११ र ढिलोमा वैशाख २६ गतेसम्म आवेदन खुला रहने बिक्री प्रबन्धक प्रभु क्यापिटलले जनाएको छ । यो अवधिमा शेयर बिक्री नभए बिक्री नभएको शेयर सर्वसाधारण शेयरधनीलाई थप गरेर बिक्री गरिने कम्पनीले जनाइएको छ ।
उक्त आईपीओमा लगानीकर्ताले न्यूनतम १० कित्तादेखि अधिकतममा १ लाख कित्ता सम्मका लागि आवेदन दिन सक्नेछन्।
उक्त आईपीओ स्थानीयवासीका लागि जारी भएको शेयर बाँडफाँट सकिएपछि मात्रै सर्वसाधारणलाई शेयर जारी हुनेछ ।
