काठमाडौं । युनाइटेड इस्योरेन्सको ८५ हजार कित्ता संस्थापक शेयर बिक्री गरिने भएको छ । सनराइज बैंक र एक्सेल डेभलपमेन्ट बैंकको स्वामित्वमा रहेको उक्त शेयर लिलामी प्रकृयामार्फत् बिक्री गर्न लागिएको हो ।
सुरुमा उक्त शेयर बिक्री गर्दा कम्पनीमा हाल कायम रहेका संस्थापक शेयरधनीलाई पहिलो प्राथामिकता दिइएको छ । सो शेयर खरिद गर्नका लागि ३५ दिनभित्र आवेदन दिइसक्नुपर्ने छ । सो समयमा संस्थापक शेयरधनीबाट पर्याप्त आवेदन नपरेमा बाँकी रहेको शेयर सर्वासाधारणलाई विक्री गर्ने इस्योरेन्सले जनाएको छ ।
बिक्रीमा राखिएको ८५ हजार कित्ता शेयरमध्ये सनराइज बैंकको स्वामित्वमा ५ हजार ८ सय २७ कित्ता र एक्सेल डेभलपमेन्टको स्वामित्वमा ७९ हजार ७ सय ४२ कित्ता शेयर छन् ।
