काठमाडौं । नेपाल आयल निगमले पेट्रोलियम पदार्थको आयात कमगर्न सवारी साधनमा जोररबिजोर प्रणाली कायम गर्न सुझाव दिएको छ । पेट्रोलियम पदार्थको मूल्य तथा खपत व्यवस्थापनका सम्बन्धमा निगमले तयार पारेको सुझावमा यस्तो व्यवस्था गर्न माग गरिएको हो ।
निगमले यसका लागि सरकारलाई १० बुँदे सुझाव प्रस्ताव गरेको छ । सुझावको बुँदा नम्बर ४ मा भनिएको छ, ‘पेट्रोलियम पदार्थहरुमध्ये पेट्रोल र डिजेलको खपत कटौती गर्न संवेदनशील क्षेत्र वा निकाय बाहेकका निजी तथा सरकारी सवारी साधनहरु जोरबिजोर प्रणालीमा सञ्चालन गर्ने’ ।
निगमले शनिबार र आइतबार २ दिन बिदा दिन समेत सुझाएको छ ।
