काठमाडौं । सप्तकोशी डेभलपमेन्ट बैंकका सीईओसहित पूर्पक्षका लागि जेल चलानको आदेश दिएको छ । सप्तकोशी बैंकबाट सुवेदीको योजनामा १५ करोड ७५ लाख ४० हजार ५ सय ७५ रुपैयाँ अपचलन गरेको आरोप बैंकका तत्कालीन सीईओ नविन सुवेदीसहित ३ जना कर्मचारीलाई उच्च अदालत विराटनगरले कारागार चलानको आदेश दिएको हो ।
अदालतका सूचना अधिकारी ओम सुवेदीका अनुसार मुख्यन्यायाधीश तीलप्रसाद श्रेष्ठ र न्यायाधीश मुरारीबावु श्रेष्ठको संयुक्त वाणिज्य इजलासले शुक्रबार सुवेदीसहित बैंकका लेखा प्रमुख देवीप्रसाद भण्डारी र बैंकका जनरल सर्भिस डिपार्टमेन्ट (जीएसडी) प्रमुख हिमाल भट्टराईलाई पूर्पक्षका लागि थुनामा राख्न आदेश दिएका छ भने बैंकका अपरेसन प्रमुख अमित थापामगरलाई २ लाख रुपैयाँ धरौटीमा छोडने आदेश दिएको छ ।
