काठमाडौं । कर्पोरेट डेभलपमेन्ट बैंकको हकप्रद शेयरमा आवेदन दिने आज अन्तिम दिन रहेको छ । सो बैंकले १:१।५ अनुपातमा हकप्रद जारी गरेको हो ।
बैंकले १ सय रुपैयाँ अंकित दरका कुल ३० लाख कित्ता हकप्रद शेयरका लागि माघ ७ गतेबाट आवेदन खुल्ला गरेको थियो । सो हकप्रद बिक्री प्रबन्धकमा सिभिल क्यापिटल मार्केट लिमिटेड रहेको छ ।
गत पुष २६ गते बैंकले हकप्रद शेयरका लागि शेयरधनी किताब खाता बन्द गरेको थियो । तसर्थ पुष २५ गतेसम्म कायम रहेका सेयरधनीहरुमात्र यो हकप्रदमा आवेदन दिन पाउनेछन् ।
यो हकप्रदमा सेयरधनीहरुले नेपाल धितोपत्र बोर्डबाट अनुमति प्राप्त सि–आस्बा सेवामा सहभागी बैंक तथा वित्तीय संस्था र तिनले तोकेका शाखा कार्यालयहरुबाट आवेदन दिन सक्नेछन्।
