काठमाडौं । ग्लोबल आईएमई बैंकका प्रमुख कार्यकारी अधिकृत रत्नराज बज्राचार्यले मुद्दती खाताको ब्याजदर यही वर्ष १५ प्रतिशत पुग्नसक्ने बताएका छन् । तरलता समस्या दिनप्रतिदिन बढ्दै गएको भन्दै उनले यस्तो अवस्था आउनसक्ने चेतावनी दिएका हुन् ।
नेपाल उद्योग वाणिज्य महासंघले राजधानीमा आयोजना गरेको छलफलमा बोल्दै बज्राचार्यले तत्काल तरलता अभाव हट्ने अवस्था नभएको समेत बताए । उनले एकल अंकमा ब्याजदर झार्ने सपना नदेख्न उद्योगीहरुलाई सुझाव समेत दिए ।
राष्ट्र बैंकले बढाएको ब्याजदरका कारण अब बैंकहरुले समेत ब्याजदर बढाउनैपर्ने दवाव देखिएको उनको भनाइ छ ।
