काठमाडौं । आज नेप्सेमा २९ अर्ब ५० करोड रुपैयाँ बराबरका विकास ऋणपत्र सूचीकृत भएको छ। यो रकमको ऋणपत्र नेपाल राष्ट्र बैंकले निष्काशन गरेको हो।
जसमा २ वर्ष अवधिको लागि १० अर्ब रुपैयाँ, ४ बर्ष अवधिको लागि १० अर्ब रुपैयाँ र २ बर्ष अवधिको लागि ९ अर्ब ५० करोड रुपैयाँको विकास ऋणपत्र नेप्सेमा सुचीकृत भएका हुन् भने ऋणपत्रका लगानीकर्तालाई सरकारले ५.६५ देखि ५.७४ प्रतिशत ब्याज भुक्तानी गर्नेछ।
२ वर्ष अवधिको विकास ऋणपत्र २०८० ‘ङ’ का लागि ५.७४ प्रतिशत, ४ वर्षे अवधिको विकास ऋणपत्र २०८२ ‘ङ’ का लागि ५.७२ प्रतिशत र २ वर्ष अवधिको विकास ऋणपत्र २०८० ‘च’मा ५.६५ प्रतिशत व्याज भुक्तानी गर्ने राष्ट्र बैंकले जनाएको छ।
