काठमाडौं । भारतको इण्डियन आयल कर्पोरेशन (आईओसी) ले फेरी पेट्रोलियम पदार्थको मुल्य बढाएको छ । बुधबार आईओसीले नेपाल आयल निगमलाई नयाँ मूल्यसूची पठाएको हो ।
आईओसीले पेट्रोलियम पदार्थको मूल्य बढाए पछि आयल निगमले मूल्य नबढाउने हो भने निगमलाई १५ दिनमा २ अर्ब ४१ करोड रुपैयाँ घाटा हुने देखिएको छ ।
निगमका अनुसार आगामी १५ दिनमा पेट्रोलमा ५४ करोड ४४ लाख रुपैयाँ घाटा हुने देखिएको छ । त्यस्तै, डिजेलमा १ अर्ब १३ करोड ४७ लाख रुपैयाँ र एलपी ग्याँस प्रति सिलिन्डर ५ सय ६० रुपैयाँ घाटा हुने जनाएको छ ।
