काठमाडौं । पश्चिमी वायुको प्रभावका कारण प्रतिकुल बनेको मौसम सोमबारसम्म पनि नखुल्ने भएको छ । जल तथा मौसम पूर्वानुमान महाशाखाले गरेको ३ दिने मौसम पूर्वानमानले सोमबारसम्म मौसम प्रतिकुल नै रहने जनाएको हो ।
आज प्रदेश १, मधेश प्रदेश, बाग्मती र गण्डकी प्रदेशमा आंशिक तथा सामान्य बदली भइ हल्का वर्षा हुनसक्ने महाशाखाले जनाएको छ । रातीदेखि तराई क्षेत्रमा भने मौसम खुल्नेछ ।
आइतबार मौसम सामान्यतया सफा रहनेछ भए पनि आइतबार रातीदेखि फेरि बादल लाग्न सुरु हुनेछ । सोमबार पनि आंशिक बदली र हिमपातको सम्भावना रहेको उल्लेख गरिएको छ ।
