काठमाडौं । भारतले नेपाललाई दिने सहयोग बढाएको छ । भारतीय संघीय बजेटले नेपाललाई दिने सहयोगको रकम वृद्धि गरेको हो ।
बजेट अनुसार नेपालले भारतबाट आगामी आर्थिक वर्षमा ७ अर्ब ५० करोड भारतीय रुपैयाँ सहयोग प्राप्त गर्नेछ । अघिल्लो वर्ष ६ अर्ब ५० करोड रुपैयाँ मात्रै सहयोग घोषणा गरिएको थियो ।
यद्यपि यो सअयोग अघिल्ला दुई वर्षको भन्दा कम हो । आर्थिक वर्ष २०२०÷२१ मा यस्तो सहयोग ९ अर्ब ९२ करोड रुपैयाँ सहयोग घोषणा गरिएको थियो भने आर्थिक वर्ष २०१९÷२० मा ८ अर्ब ७९ करोड रुपैयाँ बजेट घोषणा गरिएको थियो ।
भुटानलाई भने भारतले २२ अर्ब ६६ करोड रुपैयाँ सहयोग घोषणा गरेको छ । अघिल्लो वर्ष भुटानलाई १७ अर्ब ५५ करोड सहयोग घोषणा गरिएको थियो ।
