काठमाडौं । अरुण काबेली पावर कम्पनीको नाफा बढेको छ । चालु आर्थिक वर्षको पुस मसान्तसम्म सो कम्पनीको नाफा २० करोड रुपैयाँ पुगेको हो । अघिल्लो वर्ष यस्तो नाफा १८ करोड रहेको थियो ।
हाल सो कम्पनीको शेयर पुँजी १ अर्ब ८५ करोड रुपैयाँ छ । यो आधारमा कम्पनीको प्रतिशेयर आम्दानी २१.५९ रुपैयाँ हुन आउँछ ।
अरुण काबेलीले यसरी नाफा बढाउन विद्युत् बिक्रीको आम्दानी प्रमुख रहेको छ । अघिल्लो वर्ष यो अवधिमा विद्युत् बिक्रीबाट ३९ करोड कमाएको अरुण काबेलीले यो वर्ष ४५ करोड कमाएको छ ।
