भक्तपुर । स्वास्थ्यवर्द्धक, ताजा, गुणस्तरीय र सर्वसुलभ मूल्यमा खानाका विभिन्न परिकार उपलब्ध गर्ने उद्देश्यसहित भक्तपुरको झौखेलमा हातांसिक खाजा घर एण्ड सेकुवा कर्नर सञ्चालनमा आएको छ ।
भक्तपुर जिल्ला चाँगुनारायण नगरपालिका-२ अन्तर्गत झौखेल पिपलबोट आदर्श आजाद स्कुल नजिक खाजा घर एण्ड सेकुवा कर्नर सञ्चालनमा आएको हो । स्थानीय केदार लाखाजु सहितका व्यवसायीले हातांसिक खाजा घर एण्ड सेकुवा कर्नर सञ्चालन गरेका हुन् ।
करिब ७ रोपनी क्षेत्रफल रहेको जग्गामा सञ्चालित हातांसिक खाजा घर एण्ड सेकुवा कर्नरमा सस्तो मुल्यमा स्वादिष्ट र स्वस्थ खाजा र खाना उपलब्ध हुने सञ्चालक लाखाजुले बताए ।
२५ लाख रुपैयाँ हाराहारीको लगानी गरिएको खाजा घर एण्ड सेकुवा कर्नरमा भेज खाना ७० मा चिकेन खाना १ सय रुपैयाँमा उपलब्ध हुनेछ ।
माछा, कुखुरा, खसी र शाकाहारी खानाहरु आफ्नै बारीमा उत्पादन गरिने हुँदा ग्राहकले सस्तो मुल्यमा ताजा, स्वस्थ र स्वादिलो भोजन खाना पाउने सञ्चालक लाखाजुको भनाइ छ ।
सेकुवा कर्नरमा मःम, चाउमिन, थुक्पा, सेकुवा, खाजासेट, खाना, चिया, कफी र चिसो पेय पदार्थ लगायत खाजा, खाना र सेकुवाका विभिन्न परिकारहरु उपलब्ध हुनेछन् । शनिबार खाजा घर एण्ड सेकुवा कर्नरको एक समारोहबीच कांग्रेस नेतृ एवं सामाजिक अभियन्ता सरु बाँनियाले उद्घाटन गरिन् ।
उनले खाजा घर एण्ड सेकुवा कर्नरले ग्राहकलाई सस्तो मुल्यमा ताजा, स्वस्थ र स्वादिलो भोजन उपलब्ध गराउनुका साथै स्थानीयलाई रोजगारीको अवसर समेत दिलाउने विश्वास व्यक्त समेत गरिन् ।
