काठमाडौँ । एमसीसीको विरोध गर्दै प्रदर्शनमा उत्रेका १० जना युवाहरु पक्राउ परेका छन् । शुक्रबार नेपालस्थित अमेरिकी दुतावास अगाडि एमसीसी चाहिँदैन भनेर प्रदर्शन गर्ने युवाहरु पक्राउ परेका हुन् ।
प्रदर्शनमा युवाहरुले एमसीसी चाहिँदैन जस्ता प्लेकार्ड बोकेका थिए । लामो समयदेखि अमेरिकी सहयोग परियोजना एमसीसी विवादित बनेको छ ।
नेपालमा विवादित बनिरहेको परियोजनाका उपाध्यक्ष फातिमा जे सुमर अर्को साता नेपाल आउने तय भएको छ ।
