काठमाडौ । निरन्तरको वर्षा र पहिरोका कारण बिहान ५ बजे अवरुद्ध भएको नागढुंगा–नौबिसे सडकखण्ड सञ्चालनमा आएको छ। त्रिभुवन राजपथस्थित चिसापानी धारानजिकै पहिरो जाँदा अवरुद्ध भएको सो सडकखण्ड केहीबेर अगाडिदेखि सञ्चालनमा आएको हो।
पहिरोले अवरुद्ध सडक दुईवटा एक्स्काभेटरको सहायताले ६ घन्टापछि सञ्चालनमा ल्याइएको महानगरीय प्रहरी वृत्त थानकोटका प्रमुख प्रहरी नायब उपरीक्षक मोहन खाणले जानकारी दिए।
पहिराका कारण काठमाडौंतर्फ थानकोट र धादिङतर्फ खानीखोलासम्म सवारी जाम परेको थियो।
