काठमाडौं । तीन कम्पनीको बोनस शेयर नेप्सेमा सुचीकृत भएको छ । यसरी सुचीकृत हुनेमा सांग्रिला डेभलपमेन्ट बैंक, हिमालयन डिस्टिलरी र स्वाबलम्बन लघुवित्त रहेका छन् ।
सांग्रिला डेभलपमेन्ट बैंकको ५ प्रतिशत बोनस शेयर बापत १६ लाख ३३ हजार ७ सय ९५ कित्ता बोनस शेयर नेप्सेमा सुचीकृत भएको छ । त्यस्तै, शुक्रबार हिमालयन डिस्टिलरीको १० प्रतिशत बोनस शेयर बापत २४ लाख २९ हजार ५ सय ६६ कित्ता शेयर नेप्सेमा सुचीकृत भएको छ ।
त्यस्तै, स्वाबलम्बन लघुवित्तको १२.३५९९ प्रतिशत बोनस बापत नेप्सेले १५ लाख ९५ हजार ४५ कित्ता बोनस शेयर नेप्सेमा सुचीकृत भएको हो ।
तीनै कम्पनीको बोनस शेयर नेप्सेमा सुचीकृत भएसँगै दोस्रो बजारमा कारोबारको लागि योग्य भएको छ ।
